ငဖဲမြို့နယ်အခြေစိုက် ကပစ ၁၄ ကို ရှော့တိုက်ဒုံးများဖြင့် တိုက်ခိုက်မှု စစ်ဗိုလ် ၁ ဦးအပါအဝင် စစ်သား ၃ ဦး ပွဲချင်းပြီးသေဆုံးပြီး အဆောက်အအုံအချို့ ပျက်စီး
ရန်ကုန်၊ ဧပြီ ၂၃
မကွေးတိုင်း၊ ငဖဲမြို့နယ်၊ ရှောက်တောင်ကျေးရွာအနီးရှိ အကြမ်းဖက်စစ်တပ်၏ ကပစ ၁၄ ကို ရှော့ တိုက်ဒုံးများဖြင့် ပစ်ခတ်တိုက်ခိုက်ခဲ့ရာ စစ်ဗိုလ် ၁ ဦးအပါအဝင် ၃ ဦးပွဲချင်းပြီး သေဆုံးပြီးအဆောက် အအုံအချို့ ထိခိုက်ပျက်စီးခဲ့ကြောင်း ချင်းကာကွယ်ရေးတပ် – အရှို (CDF Asho) မှ သတင်းနှင့်ပြန် ကြားရေး တာဝန်ရှိသူ ဆလိုင်းရိုချင်းက ရန်ကုန်ခေတ်သစ်သတင်းဌာနထံသို့ ပြောကြားသည်။
ဧပြီလ ၂၀ ရက်နေ့ မွန်းလွဲ ၂ နာရီအချိန် ငဖဲမြို့နယ် ရှောက်တောင်ကျေးရွာအနီးရှိ အကြမ်းဖက်စစ်ကော်မ ရှင်၏ အမှတ် ၁၄ ကာကွယ်ရေးပစ္စည်းစက်ရုံ (ကပစ – ၁၄) ရှိ ကာကွယ်ရေး ပစ္စည်း သိုလှောင်ရုံနှင့် ထုတ်လုပ်ရေးစက်ရုံ နေရာများကို ဦးတည်၍ ရှော့တိုက်ဒုံးများဖြင့် ပစ်ခတ်တိုက်ခိုက်ခဲ့ရာ စစ်ဗိုလ် ၁ ဦးနှင့် အခြားအဆင့် ၂ ဦး ပွဲချင်းပြီးသေဆုံးပြီး ၁၃ ဦး ထိခိုက်ဒဏ်ရာရရှိကာ အဆောက်အအုံ အချို့ ထိခိုက်ပျက်စီးခဲ့ကြောင်း သိရသည်။
“ကျနော်တို့ ဦးတည်ပစ်ခတ်တာက ထုတ်လုပ်ရေး စက်ရုံအဆောက်အအုံတွေဖြစ်ပေမယ့် ရှော့ကတ် ရှော့တိုက်ဒုံးဖြစ်တဲ့အတွက်ကြောင့် ပစ်မှတ်ကို ကွက်တိကြီးတည့်တည့်ကြီးမှန်တာမျိုးတော့ နည်း ပါတယ်။ အိမ်ထောင်သည်လိုင်းခန်းဘက်တွေ ကျတာမျိုးလည်းရှိတယ်။ ကပစ ၁၄ ထဲက သတင်း ပေးချက်အရတော့ အဲဒီနေ့ကတည်းက သတင်းကို ရအောင်ဖုံးပါတယ်။ အထဲမှာ ကြောက်လန့် တ ကြား ပြေးတဲ့သူတွေကို လိုက်ဖမ်းတယ်လို့သာပြောပြီး သေဆုံးစာရင်း၊ ထိခိုက်ပျက်စီးမှုသတင်းတွေ တော့ ရအောင်ဖုံးထားပါသေးတယ်။ နောက်ဆက်တွဲအနေနဲ့ ကျနော်တို့က နေ့လည် ၂ နာရီမှာပစ် တာဖြစ်ပြီးတော့ ည ၇ နာရီကျော်ကျော် မှာ အမှတ် ၉၀၅ အမြောက်တပ်ကနေပြီးတော့ စစ်ကူပုံစံမျိုး ကပစ ၁၄ ကို အင်အားချက်ချင်းတန်း ဖြည့်ပါတယ်။ ဖြည့်ပြီးနောက်ရက် ၂၁ ရက်နေ့မှာတော့ ရှောက် ရင်း၊ သစ်လှဆိုတဲ့ ကပစ ၁၄ ရဲ့ တောင်ပေါ်ဘက်တွေမှာရှိတဲ့ ရွာတွေကို စစ်ကြောင်းထိုးပါတယ်။ အဲလိုမျိုး အပူတပြင်း စစ်ကြောင်း ထိုးတာမျိုးလုပ်ပါတယ်။ ပြီးတော့ ပဒါန်းမြို့အနီးက ရွာတွေမှာ လည်း၊ မြစ်ဖျားရွာပေါ့၊ အဲဒီရွာတွေ အနီးမှာလည်း အင်အားဖြန့်ကျက်ပြီးတော့ ပြေးတဲ့ဟာတွေစောင့် ဖမ်းတာပါဆိုပြီး ရွာသူရွာသားတွေ ကို သတင်းလွှင့်ပါတယ်။ ပုံစံမျိုးစုံနဲ့လှုပ်နေတာဖြစ်ပါတယ်။” ဟု ချင်းကာကွယ်ရေးတပ် – အရှို (CDF Asho) မှ သတင်းနှင့်ပြန် ကြားရေး တာဝန်ရှိသူ ဆလိုင်းရိုချင်းက ရန်ကုန်ခေတ်သစ်သတင်းဌာနထံသို့ ပြောကြားသည်။
ထိုသို့ တိုက်ခိုက်ခံရမှုကြောင့် စစ်သားများ ကြောက်လန့်တကြား ထွက်ပြေးမှုရှိပြီး ထိုသို့ ထွက်ပြေး သွားသည့် စစ်ကော်မရှင်တပ်ဖွဲ့ဝင်များကိုလည်း အချင်းချင်းလိုက်လံဖမ်းဆီးလျက်ရှိကြောင်း သိရ သည်။
အဆိုပါ တိုက်ခိုက်မှုကို ချင်းကာကွယ်ရေးတပ် – အရှို (CDF – Asho) နှင့်လူ့ ဘောင်သစ်တပ်မတော် (NSA) တို့ ပူးပေါင်းကာ တိုက်ခိုက်ခဲ့ခြင်းဖြစ်ပြီး တော်လှန်ရေးတပ်ဖွဲ့ဝင်များ ဘေးအန္တရာယ်ကင်းရှင်း စွာ ပြန်လည် ဆုတ်ခွာနိုင်ခဲ့ကြောင်း သိရသည်။
“အဓိကတော့ ရှော့တိုက်ဒုံးပစ်ပြီးတဲ့နောက်မှာ ကပစ ၁၄ အနေနဲ့ မထင်ထားတဲ့အတွက်ကြောင့်မို့လို့ အရမ်းကြီးတန်ပြန်ကောင်တာပစ်ခတ်မှုတော့ အကြိမ်ရေနည်းတယ်၊ နည်းပေမလို့ ကပစ ၁၄ နဲ့ နီးတဲ့ ရှောက်ရင်းတို့ သစ်လှတို့ ရွာတွေရှိပါတယ်။ အဲလိုမျိုးရွာတွေ အနီးတဝိုက်ကို လက်နက်ကြီးနဲ့ ရမ်း သမ်း ပစ်ခတ်တာတွေရှိပါတယ်။ တချို့တချို့သော တောင်ပေါ်ရွာတွေက စစ်ပွဲ ဧရိယာနဲ့နီး ပေမယ့် လည်း လက်နက်ကြီး၊ ဒရုန်းတွေ ကျလေ့ကျထမရှိဘူး။ လာလေ့လာထမရှိဘူးဆိုပြီး ပေါ့လျော့တတ် ကြတဲ့ ပြည်သူတွေလည်း ရှိပါတယ်။ မိဘပြည်သူတွေအနေနဲ့ ပေါ့ပေါ့လျော့လျော့မနေ ကြဖို့ မှာချင် ပါတယ်။ တစ်ခါတလေမှာ တိုက်ပွဲရဲ့ ပုံသဏ္ဍာန်ကို တိုက်ရိုက် မကြုံဖူးကြတဲ့အတွက်ကြောင့်မို့လို့ စစ်ရေးသတိအားနည်းတဲ့အပိုင်းတွေ ပြည်သူတွေမှာရှိနေပါသေးတယ်။ ဥပမာ ဗုံးခိုကျင်း မတူးထား တာတို့၊ လေယာဉ်ပျံ၊ ဒရုန်း လာလို့ရှိရင် ဗုံးခိုကျင်းထဲ မဝင်ချင်တာတို့ ၊ ဝင်ရမှာကို ရှက်တာတို့ အဲလို အပိုင်းတွေရှိပါတယ်၊ အဲဒါကြောင့် စစ်ရေးသတိကို ပေါ့လျော့ဖို့မကြောင်း၊ ရှက်စရာမလိုကြောင်း ပြောချင်ပါတယ်” ဟု ချင်းကာကွယ်ရေးတပ် – အရှို (CDF Asho) မှ သတင်းနှင့်ပြန် ကြားရေး တာဝန် ရှိသူ ဆလိုင်းရိုချင်းက ပြောဆိုသည်။