လစဉ် စစ်မှုထမ်းတပ်သား ၉၀၀ နီးပါး ခေါ်ယူနေသော ရန်ကုန်တိုင်း၊ စစ်မှုထမ်း အပတ်စဉ် ၁ မှ စစ်မှုထမ်းတပ်သား ၉၁ ဦးကို တာဝန်ထမ်းပြီးဆုံးကြောင်း လက်မှတ်ထုတ်ပေး၍ အိမ်ပြန်ခွင့်ပြု
ရန်ကုန်၊ ဧပြီ ၁၁
ရန်ကုန်တိုင်းအတွင်းတွင် လစဉ် စစ်မှုထမ်းတပ်သား ၉၀၀ နီးပါး ခေါ်ယူလျက်ရှိသော် လည်း စစ်မှုထမ်းအပတ်စဉ် ၁ မှ စစ်မှုထမ်းတပ်သား ၉၁ ဦးသာ အိမ်ပြန်နိုင်ကြောင်း စစ်တပ်တယ်လီဂရမ်ချန်နယ်များက ယနေ့ သတင်းထုတ်ပြန်သည်။
ယနေ့ ဧပြီလ ၁၁ ရက်နေ့ ရန်ကုန်တိုင်းတွင် ၂ နှစ် စစ်မှုထမ်းသက်တမ်း ပြည့်ပြီးသော စစ် မှုထမ်း အပတ်စဉ် ၁ မှ စစ်မှုထမ်းစစ်သား ၉၁ ဦးကို စစ်မှုထမ်းတာဝန်ထမ်းဆောင်ပြီး ဖြစ် ကြောင်း လက်မှတ်နှင့် ထောက်ပံ့ပစ္စည်းပေးအပ်ပွဲ ပြုလုပ်ခဲ့ကြောင်း သိရှိရသည်။
ရန်ကုန်တိုင်းသည် လစဉ် စစ်မှုထမ်းသင်တန်းများအတွက် လူငယ်အရေအတွက် ၉၀၀ ဦး နီးပါး ပုံမှန်ခေါ်ယူနေပြီး တချို့သော လများတွင် ၁၂၀၀ အထိ ခေါ်ယူခဲ့သော လများလည်း ရှိကြောင်း စစ်တပ်သတင်းရင်းမြစ်တချို့ထံမှ သိရှိရသည်။
ရန်ကုန်တိုင်း၊ ကော့မှူးမြို့နယ်တွင်မူ စစ်မှုထမ်းအပတ်စဉ် ၁ အတွက် လူငယ်များကို ခေါ်ယူခဲ့ရာတွင် လူငယ် စုစုပေါင်း ၁၅၀ နီးပါး ခေါ်ယူခဲ့ပြီး အများစုမှာ တိုက်ပွဲအတွင်း သေဆုံးခဲ့ကြောင်း သိရှိရသည်။
ရန်ကုန်တိုင်း၊ကော့မှူးမြို့နယ်မှ စစ်မှုထမ်းအပတ်စဉ် ၁ သင်တန်းဆင်းများဖြစ်သော ငှက်အော်စမ်းကျေးရွာမှ အဖ ဦးခင်မောင်ဦးနှင့် အမိ အဒေါ်အသန်းတို့၏သား တပ်သားကိုရဲ၊ ကော့မှူးမြို့နယ်၊ မဆယ်ဆိပ်ကျေးရွာမှ အဖဦးဖိုးမှတ်နှင့် အမိဒေါ်ညိမ်းအေးတို့၏သား စစ်မှုထမ်းတပ်သား လှမင်းသန်း(ခ)ချက်ဖောင်းတို့မှာ ၂၀၂၄ ခုနှစ် ဇူလိုင်လ ၃၀ ရက်နေ့ လားရှိုးမြို့တွင် မိုင်းဆွဲခံရ၍ သေဆုံးခဲ့ကြောင်း သိရှိရသည်။
ယင်းအပြင် ကော့မှူးမြို့နယ်မှ စစ်မှုထမ်းအပတ်စဉ် ၁ သင်တန်းဆင်း မဆယ်ဆိပ်ကျေးရွာမှ အဖဦးကျော်မြင့်၊အမိ ဒေါ်သင်းတို့၏သား စစ်မှုထမ်းတပ်သား သန့်ဇင်မှာ ခြေထောက်ပြတ်ခြင်း၊ မဆယ်ဆိပ်ကျေးရွာ အဖဦးမြင့်သူနှင့် အမိဒေါ်စိုးစိုးစံတို့၏သား စစ်မှုထမ်းတပ်သား ဇေရဲထက်(ခ)နွားကြီး မှာ မိုင်းဆွဲခံရသဖြင့် အသက်ဆုံးရှုံးခြင်းနှင့် ကိုယ်လက်အင်္ဂါများ ဆုံးရှုံးခဲ့ကြောင်း သိရှိရသည် ။
ဧပြီလ ၃ ရက်နေ့ကလည်း ကယားပြည်နယ်၊ လွိုင်ကော်တွင် စစ်မှုထမ်းအပတ်စဉ် ၁ မှ စစ် မှုထမ်းစစ်သားများကို တာဝန်ထမ်းဆောင်မှုပြီးဆုံး၍ အိမ်ပြန်ခွင့်ပြုပွဲလုပ်ဆောင်ခဲ့ပြီး စစ်မှု ထမ်းတပ်သား ၃၈၅ ဦးသာ အိမ်ပြန်နိုင်ကြောင်း၊ ကယားတစ်ပြည်နယ်လုံးတွင် စစ်မှု ထမ်းအပတ်စဉ် ၁ အတွက် စုစုပေါင်း လူငယ် ၆၀၀ ကျော်ကို ခေါ်ယူခဲ့ပြီး ယင်းတို့အနက်မှ ၃၈၅ ဦးသာ အိမ်ပြန်နိုင်ပြီး ကျန်စစ်မှုထမ်းတပ်သားများမှာ တိုက်ပွဲများတွင် သေဆုံးခဲ့ကြောင်း သိရှိရသည်။
အကြမ်းဖက်စစ်တပ်က ၂၀၂၄ ခုနှစ် ဧပြီလမှစတင်၍ စစ်မှုထမ်းအပတ်စဉ် ၁ သင်တန်းများကို ခေါ်ယူခဲ့ခြင်းဖြစ်ပြီး ယခုအခါ စစ်မှုထမ်းအပတ်စဥ် ၂၄ သို့ ရောက်ရှိနေပြီဖြစ်သည်။