မြ၀တီတွင် ကျားဖြန့်လုပ်ငန်းများကို စတင်ထူထောင်ခဲ့သော ရထိုက်ကုမ္ပဏီပိုင်ရှင်လည်းဖြစ်၊ BGF ဗိုလ်မှူးကြီး စောချစ်သူ၏ ကိုးကွယ်သူလည်းဖြစ်သော She Zhijiang ကို ထိုင်းအစိုးရက တရုတ်နိုင်ငံသို့ ရာဇဝတ်တရားခံအဖြစ် လွှဲပြောင်းပေးတော့မည်

မြ၀တီတွင် ကျားဖြန့်လုပ်ငန်းများကို စတင်ထူထောင်ခဲ့သော ရထိုက်ကုမ္ပဏီပိုင်ရှင်လည်းဖြစ်၊ BGF ဗိုလ်မှူးကြီး စောချစ်သူ၏ ကိုးကွယ်သူလည်းဖြစ်သော She Zhijiang ကို ထိုင်းအစိုးရက တရုတ်နိုင်ငံသို့ ရာဇဝတ်တရားခံအဖြစ် လွှဲပြောင်းပေးတော့မည်
ရန်ကုန်၊ အောက်တိုဘာ ၂၄
ကရင်ပြည်နယ်၊ မြ၀တီမြို့နယ်တွင် ကျားဖြန့်လုပ်ငန်းများကို စတင်ထူထောင်ခဲ့သော ရထိုက်ကုမ္ပဏီပိုင်ရှင်လည်းဖြစ်၊ BGF ခေါင်းဆောင် ဗိုလ်မှူးကြီး စောချစ်သူ၏ ကိုးကွယ်သူလည်းဖြစ်သော She Zhijiang ကို ထိုင်းအစိုးရက တရုတ်နိုင်ငံသို့ ရာဇဝတ်မှုများစွာ၏ အလိုရှိသော တရားခံအဖြစ် လွှဲပြောင်းပေးတော့မည်ဖြစ်ကြောင်း ထိုင်းသတင်းများတွင် ဖော်ပြထားသည်။
အကြမ်းဖက် စစ်တပ် လက်အောက်ခံ ကရင်နယ်ခြားစောင့် တပ် BGF ခေါင်းဆောင် စောချစ်သူ၏ စီးပွားရေး မိတ်ဖက် ရွှေကုက္ကိုလ်မြို့သစ်ကို စတင်တည်ထောင်ခဲ့သူ ရထိုက် ကုမ္ပဏီပိုင်ရှင်နှင့် ကျားဖြန့်ဂိုဏ်း ခေါင်းဆောင် She Zhijiang ကို ၂၀၂၂ ခုနှစ်တွင် ထိုင်းအစိုးရက ဘန်ကောက်မြို့တွင် ဖမ်းဆီးခဲ့ခြင်းဖြစ်သည်။ She Zhijiang ကို ထိုင်းအစိုးရက အွန်လိုင်းငွေလိမ်(ကျားဖြန့်)လုပ်ငန်းများနှင့် လောင်းကစားအမှုများကြောင့်ဖမ်းဆီးခဲ့ခြင်းဖြစ်သည်။
She Zhijiang ကို ထိုင်းအစိုးရက တရုတ်နိုင်ငံသို့ လွှဲပြောင်းပေးရန် အတွက် အခြေခံဥပဒေနှင့်ညီ၊ မညီ အခြေခံဥပဒေခုံရုံး၏ ဆုံး ဖြတ်ချက်ကို စောင့်ဆိုင်းနေခဲ့ခြင်းဖြစ်ပြီး ယခုအခါ ထိုင်းအခြေခံဥပဒေခုံရုံးက အခြေခံဥပဒေနှင့်ညီညွတ်ကြောင်း ဆုံးဖြတ်လိုက်ကြောင်း သိရှိရသည်။
She Zhijiang မှာ တရုတ် နိုင်ငံတွင် လောင်းကစားနှင့် ရာဇဝတ်ဂိုဏ်းများ ထူထောင်ခဲ့ပြီး ထွက်ပြေး လာခဲ့သူဖြစ်ကာ ကမ္ဘောဒီယားနိုင်ငံသား အဖြစ်လည်း ခံယူထားသူဖြစ်သည်။
She Zhijiang ကို တရုတ် အစိုးရက အလိုရှိနေပြီး She Zhijiang ကို အွန်လိုင်းငွေလိမ်မှု၊ လူကုန်ကူးမှု၊ ငွေကြေးခဝါချမှုများ အပါအဝင် ရာဇဝတ်မှုများစွာဖြင့် တရုတ်အစိုးရက အလိုရှိနေခြင်းဖြစ်သည်။