ပုသိမ်-ငွေဆောင်လမ်းပေါ်ရှိ ဗီဒီယိုဖိုင်ကိစ္စမှ သံဃာတု၊ သီလရှင်တု ၄ ဦးအား လူဝတ်လဲ၍ အရေးယူဆောင်ရွက်နေ
ဧပြီ ၂၆
အွန်လိုင်းလူမှုကွန်ရက်စာမျက်နှာများပေါ်တွင် ပျံ့နှံ့လျက်ရှိသော ပုသိမ်-ငွေဆောင်ကားလမ်းဘေး သရုပ်ပျက်ဗီဒီယိုဖိုင်နှင့်ပတ်သက်၍ ပါဝင်ပတ်သက်သူ ၄ ဦးအား သက်ဆိုင်ရာမှဖမ်းဆီးကာ သာသနာရေးဆိုင်ရာဥပဒေများ၊ နယ်မြေခံဥပဒေများအရထိရောက်စွာ အရေးယူနိုင်ရေး ဆောင်ရွက်လျက်ရှိကြောင်းသိရသည်။
ပုသိမ်-ငွေဆောင်ကားလမ်းပေါ်တွင် ဖြစ်ပွားခဲ့သော ရုပ်သံဖိုင်နှင့်ပတ်သက်၍ ယနေ့ (ဧပြီ ၂၆ ရက်) တွင် ရပ်ကျေးသံဃနာယကဆရာတော်များနှင့် သက်ဆိုင်ရာတာဝန်ရှိသူများပူးပေါင်းကာ ငွေဆောင်မြို့၊ မဒေါ့ကုန်းအုပ်စုရှိ အောင်သစ္စာမဏ္ဏိုင်ကျောင်းတိုက်သို့သွားရောက်စစ်ဆေးခဲ့သည်။
စစ်ဆေးမှုများအရ ဖြစ်စဉ်တွင်ပါဝင်သူများဖြစ်သည့် ဥူးခေမာဝံသ၊ ဥူးရေဝတ၊ နန္ဒမာလာ (သီလရှင်)၊ မမာလာဝံသ (သီလရှင်)
အဆိုပါ ၄ ဦးကို သာသနာ့အရှက်ကိုညှိုးနွမ်းစေမှုဖြင့်သိက္ခာချလူဝတ်လဲခြင်းများပြုလုပ်ခဲ့ပြီးနောက် ဥပဒေအရဆက်လက်အရေးယူနိုင်ရန် သလပ်ခွာနယ်မြေရဲစခန်းတွင် ခေတ္တထိန်းသိမ်းကာ စစ်ဆေးမေးမြန်းမှုများပြုလုပ်နေပြီဖြစ်သည်။
တာဝန်ရှိသူများ၏စုံစမ်းစစ်ဆေးချက်အရ ၎င်းတို့နေထိုင်ရာနေရာသည် တရားဝင်သာသနာ့နယ်မြေမဟုတ်ကြောင်း ပေါ်ပေါက်ခဲ့သည်။ပုသိမ်-ငွေဆောင်လမ်း ၁၆/၀ မိုင်ရှိ (၀.၂၄) ဧကခန့်၊ သလပ်ခွာသစ်တောကြိုးဝိုင်း၊ အကွက်အမှတ် (၂၇)အတွင်းကျရောက်နေသည်။ ၂၀၀၁ ခုနှစ်ခန့်မှစတင်၍ တရားဝင်တင်ပြထားခြင်းမရှိဘဲ တောရကျောင်းသဏ္ဍာန်ဆောက်လုပ်နေထိုင်ခဲ့ကြခြင်းဖြစ်သည်။ သာသနာတော်ညှိုးနွမ်းစေတဲ့အပြင် သစ်တောကြိုးဝိုင်းအတွင်း ကျူးကျော်နေထိုင်မှုတွေနဲ့ပါ ငြိစွန်းနေတဲ့အတွက် အခုလိုထိထိရောက်ရောက်အရေးယူရတာဖြစ်ပါတယ်” ဟု ဒေသခံသတင်းရင်းမြစ်တစ်ခုကဆိုပါသည်။
လက်ရှိတွင်ဥူးခေမာဝံသ (ခ) ဦးတင်ထွန်းဦး၊ ဒေါ်အေးအေးခိုင်၊ ဥူးရေဝတ နှင့် ဒေါ်မြင့်မြင့်အေး တို့ ၄ ဦးအား ဥပဒေနှင့်အညီထိရောက်စွာ အရေးယူနိုင်ရေးအတွက်လုပ်ထုံးလုပ်နည်းများအတိုင်း ဆက်လက်ဆောင်ရွက်လျက်ရှိကြောင်း သတင်းရရှိသည်။
သိမ်းထူးစံ