မန္တလေးမှာ စစ်အုပ်စုက တကျော့ပြန် ပေါ်တာအဆွဲကြမ်းနေပြီး ရပ်ကွက်တချို့မှာ အိမ်ပေါ်ထိ တက်ဆွဲ၊
ဖိုးချို/MFP၊
မန္တလေးမြို့မှာ အာဏာသိမ်း စစ်အုပ်စုက တကျော့ပြန် ပေါ်တာအဆွဲကြမ်းနေပြီး မြို့ပေါ် ရပ်ကွက် တချို့မှာ နေ့၊ညမရှောင် အိမ်ပေါ်အထိ တက်ပြီး ပေါ်တာဆွဲကာ လူငယ်လူရွယ်တွေကို အသေခံ စစ်သားသစ် စုဆောင်းနေတယ်လို့ မြို့ခံတွေက MFP ကို ပြောပါတယ်။
ပြီးခဲ့တဲ့ အတုအယောင် ရွေးကောက်ပွဲကာလအတွင်း ပြည်သူတွေက မဲထည့်လို့ ရွေးကောက်ပွဲ အောင်မြင်ပါက ပေါ်တာဆွဲတာတွေ မရှိတော့ဘူးလို့ ပြောဆိုစည်ရုံးကာ မန္တလေးမြို့ပေါ် ရပ်ကွက် တချို့မှာ စစ်အုပ်စုက ပေါ်တာဆွဲ စစ်သားသစ် စုဆောင်းတာတွေ ယာယီရပ်နားထားပေမဲ့ ယခုရက်ပိုင်း ပေါ်တာဆွဲတာတွေ ခပ်စိပ်စိပ် ပြန်လုပ်နေတာလို့ ဆိုပါတယ်။
မန္တလေးမြို့ မဟာအောင်မြေမြို့နယ်အတွင်း ရပ်ကွက်တွေမှာတော့ စစ်အုပ်စုက ပေါ်တာဆွဲ လူသစ်စု တာတွေ လစဉ် ပုံမှန်လုပ်နေပြီး ယခုလပိုင်း ပိုမိုဆိုးရွား သောင်းကျန်းလာကာ အိမ်ပေါ်အထိ တက်ပြီး ပေါ်တာဆွဲ နေတယ်လို့ ရပ်ကွက်ခံတွေက ပြောပါတယ်။