အကြမ်းဖက် မင်းအောင်လှိုင် ခါးရိုးဆစ်ပေါင်းရောဂါကြောင့် အာရုံကြောညှပ်သဖြင့် အိန္ဒိယဆရာဝန်များဖြင့် ၂ နာရီကြာ ခွဲစိတ်ဆေးကုသဟုဆို
ရန်ကုန်၊ မတ် ၂၃
အကြမ်းဖက် မင်းအောင်လှိုင် ခါးရိုးဆစ်ပေါင်းရောဂါကြောင့် အာရုံကြောညှပ်မှု အိန္ဒိယဆရာဝန်များဖြင့် ၂ နာရီကြာ ခွဲစိတ်ခဲ့ပြီး ခွဲစိတ်ကုသမှု အောင်မြင်ကြောင်း စစ်တပ်က ယနေ့ ညနေပိုင်း သတင်းထုတ်ပြန်သည်။
မင်းအောင်လှိုင်သည် ခါးရိုးဆစ်ပေါင်းရောဂါကြောင့် အာရုံကြောညှပ်ခြင်း (Lumbar Spondylosis with Spinal Stenosis) ဝေဒနာခံစားခဲ့ရသဖြင့် မတ် လ ၂၀ ရက်နေ့ စစ်ဆေးရုံတွင် အိန္ဒိယနိုင်ငံမှပါရဂူများနှင့် စစ်ဆေးတပ်ဖွဲ့တို့ ပူးပေါင်း၍ အရေးပေါ်ခွဲစိတ်ကုသမှုကို ၂ နာရီကြာ ပြုလုပ်ခဲ့ကြောင်း သိရှိရသည်။
မင်းအောင်လှိုင်၏ ခွဲစိတ်ကုသမှုအောင်မြင်ကြောင်း စစ်တပ်က သတင်းထုတ်ပြန်သော်လည်း လာမည့် မတ်လ ၂၇ ရက်နေ့ စစ်တပ်နေ့ အခမ်းအနား တက်မည်၊ မတက်မည်ကို သတင်းထုတ်ပြန်ခြင်းမရှိသေးပေ။