ရခိုင်က စစ်ဘေးရှောင်ကလေးတွေအတွက် နှို့မှုန့်အာဟာရလှူဒါန်းတဲ့ လုလုအောင်
ဖေဖော်ဝါရီ-၁၈၊၂၀၂၆။ဆဏ်း/People’s Spring
ရခိုင်ပြည်နယ်က စစ်ဘေးရှောင်စခန်းတွေက နို့စို့အရွယ်ကလေးငယ်တွေရဲ့ နှို့မှုန့်အာဟာရအတွက် အလှူငွေ ကျပ်သိန်းသုံးဆယ်လှူဒါန်းခဲ့တယ်လို့ Sexyမော်ဒယ် လုလုအောင်က အသိပေးထားပါတယ်။
“သာလီစွပါ တမြေထဲက သွေးချင်းမောင်နှမတွေတွက် ခေးကြီးရဲ့ မေတ္တာရေကြည်တပေါက် “လို့ လုလုအောင်က ရေးသားထားပါတယ်။
ရခိုင်ပြည်နယ်မှာ မွေးကင်းစကနေအသက် ခြောက်လအတွင်း နို့စို့အရွယ်ကလေးငယ်တွေအတွက် နို့မှုန့်အာဟာရရရှိဖို့ ကူညီဆောင်ရွက် ပေးနေတဲ့ အရွယ်စုံ Arakanese Ladies ကနေတဆင့် လှူဒါန်းပေးခဲ့တာပါ။
“အရွယ်စုံ Arakanese Ladies မှာ ကလေးတွေကို ဂရုဏာသက်စွာနွေးထွေးတဲ့လက်အစုံနဲ့ လှူဒါန်းပေးတဲ့ မမချောချော မလုလုအောင် ဒီထက်မက စီးပွါးတွေတိုးတက်ပြီး အောင်မြင်ပါစေ အလှူရစက် အမြဲမပြတ်လှူနိုင်ပါစေ။ ကောင်းကျိုးလိုရာဆန္ဒပြည့်ပါစေရှင်”လို့ အလှုရှင်လုလုအောင်အတွက် ဆုတောင်းပေးထားပါတယ်။
လုလုအောင်ရဲ့ ပရိသတ်တွေကတော့ အားပေးရတာတန်တယ်လို့ မှတ်ချက်တွေရေးသားထားကြပါတယ်။
လုလုအောင်က အရင်ကတည်းက စစ်ဘေးရှောင်တွေအတွက် လှူဒါန်းလေ့ရှိသူတစ်ဦးဖြစ်ပြီး ပြီးခဲ့တဲ့နှစ် နိုဝင်ဘာတုန်းကလည်းကချင်ဒေသက စစ်ဘေးရှောင်တွေအတွက် ငွေကျပ် သိန်းသုံးဆယ်လှူဒါန်းခဲ့ပါသေးတယ်။