ဗန်းမော်တိုက်ပွဲတွင် စစ်တပ်ဘက်မှ ခလရ ၄၇ ဗျူဟာမှူး၊ စနခ ၆၄၁ တပ်ရင်းမှူး၊ ဒုတပ် ရင်းမှူး အပါ အဝင် စစ်တပ်ဘက်မှ သေဆုံးမှုများပြား၊ မြစ်ကြီးနားလေတပ်ကို အသေခံဒရုန်းများဖြင့် ဒုတိယနေ့အဖြစ် ထပ်မံ တိုက်ခိုက်

ဗန်းမော်တိုက်ပွဲတွင် စစ်တပ်ဘက်မှ ခလရ ၄၇ ဗျူဟာမှူး၊ စနခ ၆၄၁ တပ်ရင်းမှူး၊ ဒုတပ် ရင်းမှူး အပါ အဝင် စစ်တပ်ဘက်မှ သေဆုံးမှုများပြား၊ မြစ်ကြီးနားလေတပ်ကို အသေခံဒရုန်းများဖြင့် ဒုတိယနေ့အဖြစ် ထပ်မံ တိုက်ခိုက်

ရန်ကုန်၊ ဒီဇင်ဘာ ၂၆

ကချင်ပြည်နယ်၊ ဗန်းမော်မြို့သိမ်းတိုက်ပွဲကို KIA က ယမန်နေ့မှစတင်၍ စတင်လိုက်ပြီး စစ်တပ်ဘက်မှ အမှတ် ၄၇ ခြေလျင် တပ်ရင်း(ခလရ ၄၇) ဗျူဟာမှူး၊ အမှတ် ၆၄၁ စစ်လက် နက်ပစ္စည်းတပ်ခွဲ (စနခ ၆၄၁) ၏ တပ်ရင်းမှူးနှင့် ဒုတပ် ရင်းမှူး အပါအဝင် စစ်တပ်ဘက်မှ အရာရှိနှင့်စစ်သည်များ သေဆုံးမှုများပြားကြောင်း KIA စစ်ရေး သတင်းရင်းမြစ်က ပြောဆိုသည်။

ယမန်နေ့ ခရစ္စမတ်နေ့တွင် KIA က ဗန်းမော်မြို့သိမ်းတိုက်ပွဲကို တစ်ကျော့ပြန် ထိုးစစ်ဆင် စတင်လိုက်ပြီးနောက် စစ်တပ်ဘက်မှ အရာရှိကြီးများဖြစ်သည့် ခလရ ၄၇ ၏ ဗျူဟာမှူး၊ စနခ ၆၄၁ ၏ တပ်ရင်းမှူးနှင့် ဒုတပ် ရင်းမှူးတို့ သေဆုံးသွားကြခြင်းဖြစ်ပြီး အခြားသော စစ်သားများလည်း သေဆုံးမှုများပြားကြောင်း သိရှိရသည်။

“ကျနော်တို့ အတည်ပြုလို့ရတာက ခလရ ၄၇ ဗျူဟာမှူး သေတာအတည်ပြုလို့ရပြီ။ စနခ ၆၄၁ ၏ တပ်ရင်းမှူးနှင့် ဒုတပ် ရင်းမှူးသေတာလည်း အတည်ပြုလို့ရတယ်။ တိုက်ပွဲဖြစ်တာက ခလရ ၄၇ နဲ့ စကခ ၂၁ အကြားမှာဖြစ်တာ။ ခလရ ၄၇ နဲ့ကပ်ရပ်ပိုနီးတယ်။ စစ်သားတွေလည်း သေတာများတယ်။ အရေအတွက်တော့ မသိရသေးဘူး” ဟု KIA စစ်ရေး သတင်းရင်းမြစ်က ရှင်းပြသည်။

ယင်းအပြင် ယနေ့နံနက်ပိုင်း ကချင်ပြည်နယ်၏ မြို့တော် မြစ်ကြီးနားရှိ လေတပ်စခန်းဌာနချုပ်ကို KIA က အသေခံဒရုန်းများဖြင့် ထပ်မံ တိုက်ခိုက်ခဲ့ပြီး ဒုတိယနေ့အဖြစ် ထပ်မံတိုက်ခိုက်ခြင်းဖြစ်ကြောင်း သိရှိရသည် ။

“မြစ်ကြီးနား လေတပ်စခန်းကို ငါတို့ဘက်က အသေခံဒရုန်းနဲ့သွားတိုက်တာ။ နောက်ထပ် တိုက်လေယာဥ် ၁ စင်းထပ်ထိတယ်လို့တော့ကြားပေမယ့် အတည်ပြုလို့မရသေးဘူး။” ဟု KIA သတင်းရင်းမြစ်က ရှင်းပြသည်။

ယမန်နေ့ နံနက်ပိုင်းကလည်း မြစ်ကြီးနားမြို့ပေါ်ရှိ လေတပ်စခန်းဌာနချုပ်ကို KIA ကအသေ ခံဒရုန်းများဖြင့် စစ် ဆင်ရေးအဖြစ် တိုက်ခိုက်ခဲ့ရာ စစ်တပ်၏ Mi-17 ရဟတ်ယာဉ် ၁ စီးနှင့် K 8W တိုက်လေယာဉ် ၁ စီး ထိမှန်ပျက်စီးသွားခဲ့သည်။