ဒေါ်အောင်ဆန်းစုကြည်၏ ကျန်းမာရေးနှင့် အသက်အန္တရာယ် စိုးရိမ်ရဟု သားဖြစ်သူ ထုတ်ပြော (ရုပ်/သံ)

ဒေါ်အောင်ဆန်းစုကြည်၏ ကျန်းမာရေးနှင့် အသက်အန္တရာယ် စိုးရိမ်ရဟု သားဖြစ်သူ ထုတ်ပြော (ရုပ်/သံ)
ရန်ကုန်၊ စက်တင်ဘာ ၅

ဒေါ်အောင်ဆန်းစုကြည်၏ ကျန်းမာရေးနှင့် အသက်အန္တရာယ်မှာ အရေးပေါ် စိုးရိမ်ရကြောင်း သားဖြစ်သူ Kim Arisက လူမှုကွန်ရက်မှတစ်ဆင့် သတင်းထုတ်ပြန် ပြောဆိုလိုက်သည်။
“ကျွန်တော့်မိခင် ဒေါ်အောင်ဆန်းစုကြည်သည် အသက် ၈၀ ရှိပြီဖြစ်ပြီး နှလုံးပိုင်းဆိုင်ရာ အခြေအနေများ ပိုမိုဆိုးရွားလာနေသည်ဟု ကြားသိရသည်။ မေမေက နှလုံးအထူးကုဆရာဝန်ကို တွေ့ချင်ကြောင်း တောင်းဆိုထားသော်လည်း မေမေဘယ်နေရာမှာ ထိန်း သိမ်းခံထားရသည်၊ ကျန်း မာရေးစောင့်ရှောက်မှု ပြည့်ပြည့်ဝဝရသည် မည်သူမျှ မသိနိုင်ပါ။ အင် မတန် လူမဆန်ရက်စက်လွန်းသော လက်ခံနိုင်စရာမရှိသည့် လုပ်ရပ်ဖြစ်သည်” ဟု Kim Aris က ဗီဒီယိုမက်ဆေ့ချ်မှ တစ်ဆင့် ထုတ်ဖော်ပြောဆိုသည်။
Kim Aris က စစ်တပ်အနေဖြင့် ဒေါ်အောင်ဆန်းစုကြည် အပါအဝင် နိုင်ငံ ရေးအကျဉ်းသားများအားလုံးကို လွှတ်ပေးရန် တောင်းဆိုထားသည်။
ရန်ကုန်ခေတ်သစ်သတင်းဌာနကNLD ပါ တီ သတင်းရင်းမြစ်များထံသို့ ဆက်သွယ်မေးမြန်းရာ လက် ရှိ ဒေါ်အောင်ဆန်းစုကြည်၏ အခြေအနေကို သိရှိနိုင်ရန် ခက်ခဲကြောင်း၊ စစ်တပ်က ဒေါ်အောင်ဆန်းစုကြည်ကို ၎င်း၏ ရှေ့နေများနှင့်သာမက မည်သူနှင့်မျှ တွေ့ခွင့်မပေးဘဲ ချုပ်နှောင်ထားကြောင်း၊ အခြားတစ်ဖက်တွင်လည်း အသက် ၈၀ အရွယ် ရှိနေပြီဖြစ်သောကြောင့် ကျန်းမာရေးအခြေအနေမှာ အသက် အရွယ်အရ စိုးရိမ်ရသည့် အသက်အရွယ်သို့ ရောက်ရှိပြီဆိုနိုင်ကြောင်း ပြောဆိုသည်။
“အမေစုနဲ့ပတ်သက်လို့ ဘာမှကို မသိရပါဘူး။ သူတို့ ယုတ်ယုတ်မာမာ သတင်းအမှောင်ချ ထားတယ်။ ဘာမှ မသိရတဲ့အခြေအနေကလည်း စိုးရိမ်စရာပါပဲ” ဟု NLD ပါတီ သတင်းရင်းမြစ်တစ်ခုက ရှင်းပြသည်။