အပူချိန်တွေ မြင့်တက်လွန်းလို့ မိုးလေးတစ်ပြိုက်လောက်ကို မျှော်နေကြတဲ့ မိဘပြည်သူတွေအတွက် ဝမ်းသာစရာ သတင်းလေးတစ်ခု လာပါပြီဗျာ။ လာမယ့် မေလ ၁၃ ရက်နေ့ ကစပြီး မြန်မာနိုင်ငံကို အနောက်တောင်မုတ်သုံလေ စတင်ဝင်ရောက်တော့မယ်လို့ မိုး/ဇလ က တရားဝင် ထုတ်ပြန်လိုက်ပါပြီ။ 
ဘယ်ရက်တွေမှာ ဘယ်ဒေသတွေကို မုတ်သုံဝင်မလဲ? 
မေ ၁၃ ရက် – ၁၈ ရက်အတွင်း 
မြန်မာနိုင်ငံ တောင်ပိုင်းဒေသများ
မြန်မာနိုင်ငံ တောင်ပိုင်းဒေသများမေ ၁၉ ရက် – ၂၄ ရက်အတွင်း မြစ်ဝကျွန်းပေါ်ဒေသများ
မြစ်ဝကျွန်းပေါ်ဒေသများမေ ၂၅ ရက် – ၃၀ ရက်အတွင်း မြန်မာနိုင်ငံ အလယ်ပိုင်းဒေသများ
မြန်မာနိုင်ငံ အလယ်ပိုင်းဒေသများမေ ၃၁ ရက် – ဇွန် ၅ ရက်အတွင်း မြန်မာနိုင်ငံ မြောက်ပိုင်းဒေသများ
မြန်မာနိုင်ငံ မြောက်ပိုင်းဒေသများသတိပြုစရာ မုန်တိုင်းသတင်း 
မိုးနဲ့အတူ သတိထားရမယ့် အချက်လေးလည်း ရှိပါတယ်။ ကပ္ပလီပင်လယ်ပြင်နဲ့ ဘင်္ဂလားပင်လယ်အော်တို့မှာ လေဖိအားနည်းရပ်ဝန်း (၂) ကြိမ် ဖြစ်ပေါ်နိုင်ပြီး တစ်ကြိမ်ကတော့ ပိုမိုအားကောင်းလာကာ မုန်တိုင်းငယ်အဖြစ် ပြောင်းလဲသွားနိုင်ခြေ ရှိတယ်လို့ ဆိုပါတယ်။ ဒါကြောင့် ကမ်းရိုးတန်းဒေသက ပြည်သူတွေ ကြိုတင်သတိပြုနိုင်ဖို့ တိုက်တွန်းချင်ပါတယ်။
မိုးဘယ်လောက် ရွာနိုင်လဲ? 
ပြည်နယ်နဲ့ တိုင်းဒေသကြီး အားလုံးလိုလိုမှာ ရွာသွန်းမြဲခန့် မိုးထစ်ချုန်းရွာနိုင်ပါတယ်။
စစ်ကိုင်းအထက်ပိုင်း၊ တနင်္သာရီ၊ ကချင်၊ ကရင်၊ မွန် တို့မှာ (၁၇) ရက်ကနေ (၂၂) ရက်လောက်အထိ မိုးရွာနိုင်ခြေရှိပါတယ်။
နေပြည်တော်၊ ရန်ကုန်၊ မန္တလေး၊ ပဲခူး အပါအဝင် ကျန်ဒေသတွေမှာတော့ (၁၁) ရက်ကနေ (၁၆) ရက်လောက်အထိ မိုးထစ်ချုန်းရွာနိုင်ပါတယ်။
အပူရှိန် ဆက်ပြင်းဦးမလား? 
မိုးရွာပေမယ့် နေပြည်တော်၊ ရန်ကုန်၊ မန္တလေး၊ ပဲခူး၊ မကွေး၊ စစ်ကိုင်းအောက်ပိုင်းနဲ့ ဧရာဝတီတိုင်း တို့မှာတော့ မေလရဲ့ ပျမ်းမျှအပူချိန်ထက် နည်းနည်းပိုပူနိုင်ပါသေးတယ်။ ကျန်တဲ့ဒေသတွေကတော့ ပုံမှန်အပူချိန်လောက်ပဲ ရှိမယ်လို့ ခန့်မှန်းထားပါတယ်။
မိုးဦးကျကာလဖြစ်လို့ လေပြင်းတိုက်တာ၊ မိုးကြိုးပစ်တာတွေကို အထူးဂရုစိုက်ကြဖို့နဲ့ မိုးရာသီအစမှာ ကျန်းမာရေး ဂရုစိုက်ကြဖို့ သတိပေး နှိုးဆော်လိုက်ရပါတယ်ခင်ဗျာ။ ပြည်သူတွေအားလုံး အေးချမ်းကြပါစေ! 