ဖလမ်းမြို့ဘက် စစ်ကူလာတဲ့ စစ်အုပ်စုကို မိုင်းဆွဲရာ စစ်ကြောင်းမှူး အပါ ၁၀၀ ကျော် သေ၊
စစ်အုပ်စု ကုန်ကြောင်းက ရိက္ခာမပို့နိုင်လို့ လေကြောင်းကနေ ရိက္ခာထုပ်တွေ ချပေး၊
ရွှေဥ/MFP၊
ချင်းပြည်၊ ဖလမ်းမြို့ဘက် စစ်ကူလာတဲ့ စစ်အုပ်စုကို ချင်းတော်လှန်ရေး အင်းအားစုတွေက ကြားဖြတ် မှိုင်းဆွဲတိုက်ခိုက်ခဲ့ရာ စစ်ကြောင်းမှူး အပါအဝင် စစ်အုပ်စု ၁၀၀ ကျော် သေပြီး ဒဏ်ရာရသူ လည်း အများအပြား ရှိတယ်လို့ စစ်ရေးသတင်းရင်းမြစ်တွေက MFP ကို ပြောပါတယ်။
ချင်းပြည်ရဲ့ ဒုတိယမြို့တော် ဖလမ်းမြို့ကို ၂၀၂၅ နှစ်ဆန်းပိုင်းက စတင်ကာ တော်လှန်ရေးတပ်တွေက သိမ်းပိုက်ထားတာ ဖြစ်ပြီး စစ်အုပ်စုက ဖလမ်းမြို့ ပြန်ရရေး ၂၀၂၅ စက်တင်ဘာမှာ အင်အား ထောင်နဲ့ချီ သုံးပြီး တန်ပြန် ထိုးစစ်ဆင်နေတာ ဖြစ်ပါတယ်။
ဖလမ်းမြို့ ပြန်ရရေးအတွက် စစ်အုပ်စုက အင်အား ထောင်ချီ သုံးကာ တန်ပြန်ထိုးစစ်ဆင်နေပေမဲ့ ခြောက်လကြာအထိ ဖလမ်းမြို့ထဲ ခြေမချနိုင်သေးဘဲ လမ်းတလျှောက် တော်လှန်ရေးတပ်တွေက ကြားဖြတ်တိုက်ခိုက်လို့ အထိနာ အသေများကာ နောက်ထပ် စစ်ကူတွေ မကြာခဏ ပို့လွှတ်နေရတာ ဖြစ်ပါတယ်။
MFP ရဲ့ သတင်း၊ ဆောင်းပါးနဲ့ ရုပ်သံတွေကို ယူကျူ့နဲ့ ဝက်ဘ်ဆိုက်မှာလည်း ကြည့်နိုင်ပါတယ်။
#Mandalay_Free_Press_MFP
#အညာ #ချင်းပြည် #ဖလမ်း #CDM_SIYIN