NUG၊ KNU၊ KIO၊ KNPP နဲ့ CNF ငါးဖွဲ့ တွေ့ဆုံပြီးတော်လှန်ရေးအောင်မြင်စွာဆင်နွှဲဖို့ဆွေးနွေး
ဖေဖော်ဝါရီ-၉၊၂၀၂၆။ထားမြတ်/People’s Spring
အမျိုးသားညီညွတ်ရေးအစိုးရ(NUG)နဲ့ ကရင်၊ ကချင်၊ကရင်နီ၊ချင်းတိုင်းရင်းသားတော်လှန်ရေးလက်နက်ကိုင်တပ်ဖွဲ့ တို့ တွေ့ဆုံပြီး တော်လှန်ရေး အောင်မြင်အောင် ဆင်နွှဲနိုင်ရေးကိစ္စတွေကို ဆွေး
နွေးခဲ့ကြောင်းကချင်လွတ်လပ်ရေးအဖွဲ့(KIO) ခေါင်းဆောင်တဦးဖြစ်တဲ့ ကချင်လွတ်လပ်ရေးကောင်စီ(KIC) ဒုဥက္ကဋ္ဌ ဒုတိယဗိုလ်ချုပ်ကြီးဂွန်မော်က ပြောပါတယ်။
ဖေဖော်ဝါရီ ၅ ရက်နေ့မှာကျရောက်တဲ့ကချင်တော်
လှန်ရေးနေ့ အခမ်းအနားကိုအမေရိကန်နိုင်ငံ တက္က
ဆက်ပြည်နယ်မှာကျင်းပခဲ့ရာ ဒုဗိုလ်ချုပ်ကြီးဂွန်မော်က အွန်လိုင်းမှ ပါဝင်တက်ရောက်ပြီး စစ်ရေး နိုင်ငံရေးဆိုင်ရာတွေရှင်းလင်းပြောကြားခဲ့တာဖြစ်ပါတယ် ။ NUGရယ်၊ KNUရယ်၊ KNPPရယ် ၊ CNF ရယ်၊ KIOရယ် ငါးဖွဲ့ ပြီးခဲ့တဲ့ ရက်ပိုင်းအ
တွင်းဆွေးနွေးမှု လုပ်ခဲ့ကြောင်း အသိပေးခဲ့တာပါ။ လတ်တလော မီဒီယာတွေမှာဖော်ပြနေတဲ့ အား
ကောင်းခိုင်မာတဲ့ ဦးဆောင်အဖွဲ့အစည်းကိစ္စ၊ ဖက်ဒရယ် ဦးဆောင်ကောင်စီကိစ္စတွေအပေါ် အခုလိုပြောပြတာပါ။
“လက်ရှိတော်လှန်ရေးကိုအောင်မြင်အောင်ကျနော်တို့ဘယ်လိုဆင်နွှဲမလဲဆိုတဲ့ဟာကျနော်တို့ ဦး
စားပေးပြီးဆွေးနွေးနေတာဖြစ်ပါတယ်”လို့ ဒုဗိုလ်
ချုပ်ကြီး ဂွန်မော်က ပြောပါတယ်။
မီဒီယာမှာဖော်ပြထားတဲ့ ဖက်ဒရယ်ဦးဆောင်ကောင်စီဟာ မျှော်မှန်းချက်ပြောတဲ့ ဝေါဟာရဖြစ်ပြီးတော့ အတည်ပြုထားတာ မဟုတ်ကြောင်း၊ ဆက်လက်ဆွေးနွေးနေတဲ့အဆင့်ဖြစ်ကြောင်း လည်းဆက်ပြောပါတယ်။
“တော်လှန်သောအင်အားစုများဟာမှန်ကန်တဲ့လမ်း
ကြောင်းပေါ်မှာ ခိုင်ခိုင်မာမာရပ်ဖို့ လိုပါတယ်။ စု
စည်းညီညွတ်ရမှာဖြစ်ပါတယ်။အပြန်အလှန် လေး
စား အသိအမှတ်ပြုရမှာ ဖြစ်ပါတယ်။” လို့လည်း ဒုဗိုလ်ချုပ်ကြီးဂွန်မော်က ပြောပါတယ်။
တော်လှန်အင်အားစုဆိုရာမှာ လက်နက်ကိုင်တော်
လှန်ရေးသာမက အားလုံးကို ပြောဆိုတာ ဖြစ်ပြီး မှန်ကန်သောလမ်းကြောင်းပေါ် ရပ်မှ အင်အားရှိမယ်လို့ ပြောပြပါတယ်။
ဘယ်အချိန်မှာ တော်လှန်ရေးပြီးမှာလဲ၊ဘယ်အချိန်မှာ အောင်မြင်မှာလဲလို့ခဏခဏအမေးခံရပြီး အဲဒီမေးခွန်းဟာအားလုံးနဲ့သက်ဆိုင်ကြောင်း လည်း ဒုဗိုလ်ချုပ်ကြီး ဂွန်မော်ကပြောပါတယ်။
“ကျနော်တို့ အကုန်လုံး တော်လှန်သောဘက်မှာ ရှိသလား၊ ကျနော်တို့ဟာ တကယ်ပဲ အောင်မြင်ချင်တဲ့ စိတ်ဓာတ်နဲ့ ကျနော်တို့ အရင်းအမြစ်တွေကို ပါဝင်နေသလားကျနော်တို့က ပြန်စိစစ်ဖို့လိုပါတယ်။”လို့ KIO ခေါင်းဆောင်က ပြောပါတယ်။
ဒါ့အပြင် စစ်ရေး နဲ့ နိုင်ငံရေးကို ပေါင်းစပ်ညှိနှိုင်းပြီးလိမ္မာပါးနပ်စွာဦးဆောင်မှုပေးနိုင်ခြင်းဟာအင်
မတန်အရေးကြီးသလို ပြည်သူရဲ့ထောက်ခံမှု နား
လည်မှုနဲ့လိုက်နာမှုပြည့်စုံမှသာအောင်မြင်မှာ ဖြစ်
ကြောင်းလည်းပြောပါတယ်။
အမျိုးသားညီညွတ်ရေးအစိုးရ(NUG) ကလည်း တော်လှန်ရေးအတွက် ပိုမိုအားကောင်းတဲ့ ဦး
ဆောင်မှု ပေးနိုင်မယ့် စုဖွဲ့မှု ဖြစ်ပေါ်လာရေး ကြိုးပမ်းနေကြောင်း ဆွေးနွေးမှုများ ရှိနေကြောင်း အသိပေးထားပါတယ်။
(PDF ၊KIA ၊KNU ၊ KNPP ၊CNF တပ်ဖွဲ့ဝင်တွေ။
ဓါတ်ပုံ-အမှတ်(၁)စစ်ဒေသ၊KNU၊KIA ၊KNPP၊CNF)