မြောက်ပိုင်းတိုင်းစစ်ဌာနချုပ် လေတပ်ဝင်းအနီး တိုက်ပွဲဖြစ် ၊ပစ်ခတ်သံတွေဆူညံနေ
ဇန်နဝါရီ-၁၅၊၂၀၂၆။ဇော်ရမ်း/People’s Spring
မြစ်ကြီးနားမြို့၊ မြောက်ပိုင်းတိုင်းစစ်ဌာနချုပ် လေတပ်ဝင်းအနီး ဒီကနေ့မနက်ပိုင်းမှာ တိုက်ပွဲဖြစ်နေပြီး ပစ်ခတ်သံတွေဆူညံနေတယ်လို့ မြို့ခံတွေကပြောပါတယ်။
“မနက်၇နာရီလောက်ကစပြီးပစ်ကြတာ။ တိုက်
ခိုက်ခံရတဲ့အနေအထားပဲ။ လက်နက်ကြီးလက်
နက်ငယ်သံတွေဆူညံနေတယ်ဗျ။ မြို့ခံတွေ သတိအနေအထားနဲ့နေကြတယ်”လို့ မြစ်ကြီးနားမြို့ခံတစ်ဦးကပြောပါတယ်။
မြစ်ကြီးနားမြို့၊ မော်ဖောင်းရပ်ကွက်၊ နမ့်ပေါင်ရွာမှာရှိတဲ့လေတပ်ဝင်းဟာ ဒီဇင်ဘာလ၂၅ရက်နဲ့ ၂၆ရက်ကလည်း ရှော့တိုက်ဒုန်းနဲ့ ၂ရက်ဆက်တိုက်ခိုက်ခံရပါတယ်။ တိုက်လေယာဉ်နဲ့ ရဟတ်ယာဥ်အချို့ထိခိုက် ပျက်စီးမှုရှိခဲ့တယ်လို့ စစ်ရေးသတင်းရင်းမြစ်တွေကပြောပါတယ်။တိုက်ခိုက်ခံရပြီးတဲ့နောက် စစ်တပ်က လက်နက်ကြီးတွေနဲ့ပစ်ခတ်တာမှာရွှေအိုက်ရပ်ကွက်ထဲကို ကျရောက်
ပေါက်ကွဲပြီး ဒေသခံတစ်ဦးသေဆုံးခဲ့ပါတယ်။
နမ့်ပေါင်လေယာဉ်ကွင်းဟာ ကချင်ပြည်နယ်နဲ့ စစ်ကိုင်းတိုင်းအတွင်း လေကြောင်း တိုက်ခိုက်ရာမှာ စစ်တပ်က အဓိကအသုံးပြုနေတာဖြစ်ပါတယ်။ပြီးခဲ့တဲ့ ၂၀၂၅ဧပြီလကလည်း မြောက်ပိုင်းတိုင်းစစ်ဌာနချုပ် လေတပ်ဝင်းကို တော်လှန်ရေးတပ်ဖွဲ့တွေက ရှော့တိုက်ဒုန်း ၁၀လုံးနဲ့ တိုက်ခိုက်ခဲ့ပါသေးတယ်။
အခုရက်ပိုင်းမှာ ကချင်လွတ်လပ်ရေးတပ်မတော်
(KIA) နဲ့ KPDF ပူးပေါင်းတပ်တွေက ဗန်းမော်မြို့
သိမ်းတိုက်ပွဲကိုအရှိန်မြှင့်နေပြီး ဖားကန့်မှာလည်း ပစ်ခတ်မှုတွေပြန်လည်ဖြစ်ပေါ်နေပါတယ်။
(မြောက်ပိုင်းတိုင်းစစ်ဌာနချုပ်အနီးရှိ လေတပ်စခန်းမှာစစ်တပ်လေယာဥ်အချို့ကိုတွေ့ရစဥ်။
ဓါတ်ပုံ-CINCDS)